Dar leis an alt a léigh mé san Irish Times inné, seo mar a chaith dlíthe na tíre seo le Mná na hÉireann i 1970:
1. Ar phósadh dí, dá mba rud é go raibh post aici sa tseirbhís phoiblí, nó le banc, bhí uirthi an post sin a fhágáil.
2. Ní fhéadfadh sí bheith ina ball de choiste cúirte, mar ghiúróir.
3. Ní raibh cead aici ábhair fhrithghiniúna a cheannach.
4. Bhí go leor tithe tábhairne nach dtabharfadh cead isteach di, cé go raibh tithe tábhairne ann a ligfeadh isteach í, ach fear a bheith léi.
5. Ba le fear an tí amháin a d’íoctaí an sochar linbh.
6. Ní raibh sí in ann ordú urchoisc a fháil le toirmeasc a chur ar a fear céile faoi ionsaí a dhéanamh uirthi, is cuma cén drochíde a thabharfadh sé di.
7. Ní raibh seilbh dhleathach ag an mbean phósta ar áras an teaghlaigh, agus d’fhéadfadh a fear céile an teach a dhíol gan a cead.
8. Glacadh leis go raibh caidreamh collaí mar cheart ar an bhfear pósta, fiú murab é toil a chéile mná é.
9. Bhí a sainchónaí cibé áit ina raibh sainchónaí a fear céile, fiú mura raibh sí féin ina cónaí sa tír sin leis.
10. Ní bhfuair sí pá comhionann ar obair chomhionann, Fuair fir pá i bhfad níos airde ná í.
Bhí mé i mo dhéagóir ag an am.
.
Chomh dubh le lámha giolla nuachtáin
16 hours ago
B'amhlaidh anseo sna 1870í, sílim...
ReplyDeleteASG!
ReplyDeleteTá béarlagar na hóige níos fearr agatsa, is dócha. Cad is brí de ASG?
ReplyDeleteIs maith na dlíthe sin a bheith scortha. (Agus Paddy Hillery san AE atá freagrach as #10 a bheith scortha - ainneoin geonaíl abhus)
ReplyDeleteBhí am ann go raibh muid ag tús cadhnaíochta sa cheist - agus bhí an céad MP (sílim?) agus aire ban (Markiwiecz) againn.
Ach ansin ligeadh maidí le sruth nó gníomhaíodh go diúltach. (Bhí an claonadh frith banda ann le fada, áfach - táim ag léamh B'ait leo Bean faoi láthair).
An rud nach dtuigimse, ó tharla an-tionchar a bheith ag máithreacha agus céilí, gur chuir mná suas leis an tseafóid chomh fada sin.
A Shéamais, ASG = Ag Scairteadh Gáire'
ReplyDelete@ An rud nach dtuigimse...
A Aonghuis, ní thuigimse féin é!
Go deimhin, tá mná fós ag athrú sloinne nuair a phósann siad...
Bhuel, rinne mo bhean sin - ach go comhfhiosach. B'fhearr léi mo sloinne ná sloinne na bhfear a bhí a máthair pósta orthu roimhe.
ReplyDeleteTá an dá rud feicthe agam i mo ghlúinse. Agus is cuma leis an Stát - rud a chothaigh deacrachtaí dúinn sa Ghearmáin, de bharr nach raibh aon sloinne "pósta" luaite ar an dteastas as Éireann,
Ó tharla mé ag freastal ar an deireadh seachtaine lánGhaeilge an deireadh seachtaine seo, a Aonghuis, nílim in ann díriú, inniu, ar na nithe 'comhfhiosach' sin a dhéanann mná na linne seo, ach tiocfaidh mé ar ais chuig an ábhar sin, geallaim duit...;-)
ReplyDeleteBain sult as.
ReplyDeleteTáim cinnte go mbainfidh!
ReplyDeleteFuair mé 'clár don deireadh seachtaine' ó Sheán Mór inné, agus tá gach rud eagraithe go hiontach aige, agus ag a chomhgleacaí, Mícheál.
Beidh scór daoine ann, nó mar sin. Tabharfaidh mé an ríomhaire liom, ach an mbeidh am agam scríobh - sin ceist eile!
Mo chuimhne, tá mo léirmheas ar Cúpla Focal le feiceáil ar Clubleabhar anois, más mian leat m'iarracht a léamh.
An dóigh leat go dtiocfaidh laghdú ar ionchas saoil na mban faoi dheireadh mar thoradh ar na h-athraithe siúd?
ReplyDeleteNa mná tí a bhí ann le linn na sean-réime, mhair (maireann) an chuid is mó díobh le feadh blianta (anois) i ndiaidh a gcéile - i gcás theaghlach mo thuismitheoirí féin, mar shampla.
Níl a fhios agam, a Ormondo, ach feictear dom go bhfuil aithne agam ar go leor baintreach, agus is mná a bhformhór, mná nach raibh mórán níos óige, ná mórán níos sine, ná mé féin nuair a bhásaigh a gcéilí, fir nach raibh aois mhór acu nuair a cailleadh iad.
ReplyDeleteMar sin féin, níl ansin ach mo thabhairt faoi deara féin, agus ní féidir brath air mar staitistic...:-)