Dá bhfeicfeá comhartha mar ‘Ná hÚsáid Ach i gCás Éigeandála’ scríofa áit éigin, thuigfeá nár chóir duit an rud a úsáid ach amháin i gcás éigeandála, nach dtuigfeá?
Agus, ní bhainfeá úsáid as 999, ná a leithéid, ach amháin dá mbeadh géarghá leis, an mbainfeá?
Ach, céard is géarghá ann, meas tú? Tine? Timpiste? Tinneas tobann? Sea, sin mar a cheapfá, a léitheoir, ach tá daoine ann, creid é nó ná creid, agus tá a dtuiscint féin acu ar an rud is ‘cás éigeandála’ ann.
I mbliana, fuair an Gloucestershire Police Force, is cosúil, ‘4,500 inappropriate or hoax emergency calls’, rud a chuireann moill ar obair na bpéas, cé go mbíonn cuid acu ‘comical’, dar leo. Na glaonna, a léitheoir, chan na péas!
Pé scéal é, más mian leat samplaí den chineál glaoigh a fhaigheann siad a fheiceáil, tá tuilleadh eolais le léamh anseo. Éist leis an téipthaifeadadh atá ar an leathanach sin, a léitheoir, go gcloise tú an glaoch ón bhfear a chuir scairt ar 999 mar gur shiúil cat strainséartha isteach ina chistin.
Dochreidthe!
.
Posts
Ciorcal Comhrá Ionad Uíbh Eachach ar turas
2 hours ago
Fuaimníonn sé trína chéile ach fós tá sé sin náireach..
ReplyDeleteTá fógra faoi láthair ag an Luas ag na stadanna maidir le loit. Ba chóir 999 a ghlaoch,má fheiceann tú duine ag déanamh damáiste. Ní dóigh liom féin gur cás éigeandála é graffiti.
@ 'Ní dóigh liom féin gur cás éigeandála é graffiti.'
ReplyDeleteAn dóigh leat gur graffiti atá i gceist ag an bhfógra le 'loit'?
Tá graffiti is briseadh gloine i gceist acu.
ReplyDelete